1.உப்பகன்ற நீர்க்கூழு முண்டாற் பசிகெடுமா

லப்பதுண்டு கூவல்குள மாறதனி - லிப்படியைப்

பார்த்தமையாய் நெஞ்சே பரந்தெழுந்து சென்றாலும்

பேர்த்துளத்தின் மேல்வருமோ பேறு

2.பல்காய நற்கறியும் பானெய்பழத் தோடடிசில்

செல்வாய தேசஞ் செறிந்தாலு - மெல்லவுனை

யூட்டாவூ ழுண்டே லுறுபிணிமற் றியாதொன்றால்

வீட்டாதோ நெஞ்சே விரைந்து

3.நல்ல வறுசுவைதா னாக்கினுனி மாத்திரமே

யெல்லை யிருவிரலே யல்லதிலை - மெல்ல

விருவிரலைத் தான்கடக்க மாட்டாதே நெஞ்சே

பொருகடலைத் தான்கடப்பாய் போய்

4.ஆடை யழகினைநன் காதரித்தே யாங்கதற்கென்

றோடி யுறுபொருளுக் குற்றுழன்றாய் - கூடியதேல்

வண்ணா னெலிமருவார் வைப்பிடமற் றின்னவற்றா

லெண்ணாயோ நெஞ்சே யிடர்

5.கந்தையொடு வெண்ணீறு கன்முழைபாழ்க் கோயில்பல

முந்தையுள சீத முறுமென்னில் - வெந்துயரக்

கோடையினிற் கோவணமுங் கூடமிகை யித்தனைகா

ணாடையினிற் காரியந்தா னாங்கு

6.நீயா யமையாய் நினைந்தோடிக் கிட்டாமை

யேயா வமைந்தா யிடர்நெஞ்சே - சாயோ

கடையானார் காய்பசிக்கே கால்குலைவர் கற்றோ

ரடையாரோ வாங்கமை வின் பால்

7.அமையாதே பெற்றதனா லாங்காங்கு நன்றென்

றிமையா தெழுந்தோடு கின்றாய் - சமையாச்

சிறுமைக்கு வித்ததுவாந் தேறாய் மனனே

மறுமைக்கு மஃதே மறைப்பு

8.ஆற்றங் கரைப்பசுத்தா னக்கரையோ டிக்கரையாய்த்

தோற்றும் பசுப்பைத் தொடர்வுறுமே - யாற்ற

வதுவேபோ னெஞ்சே யலைந்தலைப்பட் டோடு

மிதுவே யுனக்கிதனாற் பேறு

9.இருந்தவிடத் தேதும்வரக் கண்டிருப்ப தன்றோ

பெருந்தகைமைக் காபரணம் பேதாய் - மருந்தெனவே

யாங்கினியார் தங்கடையிற் சென்றிடினு மாதரியார்

பாங்கிதுகாண் பாழ்நெஞ்சே பார்

10.உணர்ந்தார்க் குடம்பு மிகையென் றுலக

முணர்ந்தா ருணர்ந்தே யுரைத்தா - ரிணைந்தாம்

பொருண்முழுதும் விட்டாலும் பொய்யுடம்பிற் காதன்

மருளதுவா நெஞ்சே மறித்து

11.இல்லாத தில்லை யுளதுதவி ராதென்று

நல்லார் துணிபொருளை நாடுங்கா - லெல்லா

மமைந்தபடி யேவருமா லாங்கசைவெ னெஞ்சே

சமைந்தபொரு டாமறிவார் தாம்

12.இங்கேதன் னூனுயிரை யேதமறக் கண்ட விடத்

தங்கே யெலாமமைய லாயிருக்க - வெங்கேனுங்

காடு மலையுங் கடந்துடம்புக் காய்வருந்தி

யோடுவதெ னெஞ்சே யுரை

13.அமைதற் குபாய மறிந்திடநீ வேண்டிற்

கமையுற்ற ஞானக் கரும்பைத் - தமையுற்ற

வாரியர்பாற் பெற்றங் கவரடிக்கே யேவலினை

யோரியல்பாற் செய்நெஞ்சே யுற்று

14.நீடுந் தலைகீழ்கான் மேலாகி நின்றாலுங்

கூடும்படி யொழியக் கூடாதா - லோடி

வருந்தாம லுள்ளபடி வந்திடக்கண் டாறி

யிருந்தாலோ நெஞ்சே யினிது

15.நல்லோரை மேவி நலங்கிடக்க வங்குள்ள

பொல்லாங்கு கொண்டாடிப் போகாதே - யெல்லா

மருளியவா செய்தங் கலதொழிநீ நெஞ்சே

பொருளியல்வே றில்லையினிப் போற்று

16.வைதலும் வாழ்த்துதலும் வார்த்தையினிற் கற்பித்து

நையுமது நெஞ்சே நலமன்றா - மெய்தும்

புரையிடத்து வாயுப் புரைக்குமொலி யென்றே

யுரையிடத்துக் கோளொழி நீ யுற்று

17.ஒன்பதுவா யாலு மலஞ்சொரிய வூத்தைகமழ்

புன்புலையாங் குற்றப் புலாலுடம்பை - யன்புடனே

யேத்துவார் வைவா ரிழிவுரைப்பா ரல்லாதா

ராத்தமா மெய்யுணர்வார்க் காங்கு

18.வாயுவன னீர்பிணிதான் மற்றும் பலபலவா

வாயசட வேதுவினா லாம்பயனுக் - கேயவொரு

செற்றநலங் கொண்டிலையேற் சேதனவே துத்தனையு

மற்றவண நெஞ்சே மதி

19.ஆர்வமொடு செற்றத்தை யாரிடத்துங் கொள்ளாதே

சாரமுள தெவ்விடத்துந் தான்கொண்டு - தீரவுணர்

நல்லோர்தஞ் சொல்லை நழுவாமை நீகொண்டு

நில்லா யிதுவே நெறி

20.பெற்றதுவே கொண்டமைந்து பேரிழவிற் கொல்காதே

குற்றநல மென்கோள் குறுகாதே - மற்றும்

பயனின் மொழியாதே பார்த்துளமே நல்லோர்

நயமுமற வாதே நட

21.பொய்க்கனவும் பேய்த்தேரும் போலுமுடல் போமளவுஞ்

சிக்கெனவே நாதன் றிருவடியை - நெக்குருகிப்

பூண்டுவிடா தேகிடந்து போற்றியிடு நெஞ்சேநீ

மீண்டுபிற வாதே விட

22.ஆண்ட வியல்பை நினைந்து நினைந்துருகி

வேண்டிமிக மெய்யன்பை மேன்மேலு - மாண்ட

வடியிணையே பூண்டமைவா மாரமிழ்தை நெஞ்சே

யொடிவறவே நீயுண் டிரு